EAJ-PNV Ipar Buru Batzarra

logo

Parte hartu

Beste herri batzuk:

Ipar Buru Batzarra

2010/07/12

Erreforma kolokan da

Iruzkinak (0) | Eman iritzia

Senatuak aldaketa garrantzitsuak ekarri ditu lurralde erakunde aldaketaren lege proiektuari buruz, aste huntan, testuaren bigarren azterketan.

Horrek erakusten digu dozier hau gaizki preparatua izan dela, konzertaziorik gabe. Hala emaitza. Gaur ez dakigu zoin bozketa izanen den Lurralde Kontseilariaren hautatzeko eta zoin izanen diren departamendu eta herrialdeen eskumenak.

Hastapenetik, Lurralde Kontseilariaren hautatzeko bozketa sistema azkarki kritikatu genuen. Bi alderdi handien alde jokatzea zen helburua : UMP, PS alde batetik eta "alderdi ttipiak" ahultzea. Sistema hau klientelismoa laguntzen du interes orokorraren kontra.

Pozarekin ikusten dugu Senatuak sistema elektoral hori bazter dezan ere. Espero dezagun azkenean, Asanblea Nazionalak hauta dezan sistema bat proporzio eskrutinari lehentasuna emaiten duena lurralde kontseilarien hautaketan.

Konpetentzia orokorraren salbuespenaren beragertzea baikorra da ere. Hori da lurralde Erakundeen erabakitze autonomiaren mantentzea. Alderantziz eskumenen argitzearen alde gira. Lehentasuna, nork zer egiten du ?

Arazo pil pil batzu konpondurik ez

Zuhaitzak izerdi gutti du

Diru ahalmenen arazoa ez da altxatua izan, premiazkoa delarik. Europan, tokiko diru ahalmenek diruztatze orokorraren %35ekoa da, Frantzian, bakarrik, % 20 ingurukoa. Diru autonomiaren galtzea, tokiko sistema frantsesaren baikortasun bakanen bat onartezina da. Tokiko garapenaren bultzatzeko gaitasuna ahultzen da.

Zoin dira fruitu bilgarriak ?

Eskumenen esparruaren handitzearen arazoa ez da ere konpondua izan : lege gaitasuna eta eskumenen kopuruaren garapena ez da aintzinatu ere. Azkenean, gaizki abiatu erreforma bat.

Iparraldeko lurralde Erakundea : tokiko alternatiba bat

Iparraldeko Lurralde Erakundearen egitasmoak irtenbideak proposatzen ditu gaineko galdeei : bozkatze sistema proporzionaltasunari lehentasuna emaiten duena, eskumenen esparruaren berdefinizia, lege esperimentazio gaitasunaren erabilpena eta garapena, lurralde Erakunde diruztatzeari buruzko eztabaida zabala.